Úttekt og greining á fjárhagsstöðu íslenskra hafna 2024

Samband íslenskra sveitarfélaga
Unnið fyrir Hafnasamband Íslands

Greining þessi verður aðeins aðgengileg í stafrænu formi. Hægt er að hlaða niður síðunni sem PDF skjal og gögnum úr upplýsingaöfluninni sem Excel skjal neðst á síðunni.

Efnisyfirlit

Inngangur
Samantekt
Stöðugildi
Inn-og útflutningur
Landaður afli
Sala á rafmagni
Rekstrartekjur
Framlegð
Rekstrarniðurstaða
Fjárfestingar
Skuldahlutfall

Inngangur

Líkt og undanfarin ár hefur þróunarsvið Sambandsins tekið saman skýrslu um fjárhagsstöðu aðildarhafna Hafnasambands Íslands. Söfnun upplýsinga fór fram með þeim hætti að forsvarsaðilum hafnarsjóða var send fyrirspurn í formi Excel-skjals, þar sem þeir voru beðnir um að færa inn viðeigandi upplýsingar. Þessar upplýsingar ná til gagna úr ársreikningi (þ.e. rekstrar, efnahags og sjóðstreymis), bakgrunnsupplýsinga og annarra viðeigandi atriða. Í ár bárust svör frá 29 af 31 aðildarhafnarsjóðum Hafnasambandsins.

Samantekt

Helstu niðurstöður úr rekstri hafnarsjóða árið 2024

Stöðugildum fækkar lítillega milli ára
Innflutningur eykst, en útflutningur dregst saman.
Landaður afli nam rúmlega einni milljón tonna
Heildartekjur jukust um 8% milli ára, úr 15,4 milljörðum í 16,6 milljarða króna.
Framlegð sem hlutfalli af tekjum var óbreytt, um 39%
Rekstrarniðurstaða var jákvæð um tæpa 4,7 milljarðar og batnar um 420 milljónir frá fyrra ári.
Fjárfestingar í varanlegum rekstrarfjármunum hækkuðu milli ára.
Skuldir hækkuðu um 5%, úr 9,8 milljörðum í 10,3 milljarða króna.
Skuldahlutfall lækkar lítillega milli ára, fer úr 64% í 62%.

Í töflunum hér að neðan má leita í leitarglugga að sérstökum hafnarsjóðum, fletta yfir á næstu síðu til að sjá fleiri hafnarsjóði, raða gildum í hækkandi eða lækkandi röð.