Faxaflóahafnir sf. hafa skilað inn til Umhverfisstofnunar áætlun um móttöku úrgangs og farmleifa hjá Faxaflóahöfnum. Grundvöllur áætlunarinnar eru lög um varnir gegn mengun hafs og stranda nr. 33/2004 með síðari breytingum, MARPOL-samningurinn um varnir gegn mengun sjávar frá skipum frá árinu 1973 ásamt bókun frá árinu 1978 (MARPOL 73/78) með tilheyrandi reglugerð nr. 801/2004 um varnir gegn sorpmengun frá skipum.
Faxaflóahafnir sf. fylgja amþykktri umhverfisstefnu og er skilvirk og ábyrg móttaka á úrgangi frá skipum einn þeirra þátta sem áhersla er lögð á. Áætluninni er skipt upp í 11 tölusetta liði auk þess sem henni fylgja yfirlit og skipurit er varða söfnun úrgangs á athafnasvæðum hafnanna. Þá fylgja áætluninni eyðublöð á íslensku og ensku fyrir skip og höfn sem fylla þarf út þegar úrgangur er afhendur og móttekinn.
Faxaflóahafnir sf. hafa sem fyrr segið sent skjalið til Umhverfisstofnunar en þar á bæ er ekki enn búið að samþykkja það. Hafa ber þann fyrirvara á því að það gæti breyst í meðförum stofnunarinnar.