Ríkisstjórnin samþykkti á fundi sínum í morgun tillögu innanríkisráðherra um að fresta útboði á strandsiglingum við Ísland. Bæði Samskip og Eimskip hafa tilkynnt fyrirætlanir um strandsiglingar sem hefjast munu á næstu vikum. Ögmundur Jónasson innanríkisráðherra segir að með því megi ætla að markmið verkefnisins nái fram að ganga og í því ljósi lagði hann til að útboði yrði frestað en áfram fylgst með framvindu málsins. (meira…)

Aðildarhöfnum er bent á að umhverfis- og samgöngunefnd Alþingis hefur sent til umsagnar frumvarp til laga um hafnalög (ríkisstyrkir o.fl.), 577. mál. Nefndin óskar þess að undirrituð umsögn berist eigi síðar en 13.mars nk. á netfangið nefndasvid@althingi.is eða bréflega til Nefndasviðs Alþingis, Austurstræti 8-10, 150 Reykjavík. Ef engar athugasemdir eru þarf ekki að senda sérstaka tilkynningu þess efnis. Þingskjalið er hægt að sækja á vef Alþingis:http://www.althingi.is/altext/141/s/0982....

Á fundi hagsmunasamtaka sjómanna (SSí, FFSÍ, VM) og útvegsmanna (LÍÚ, LS), sem haldinn var 31. janúar 2013 var ákveðið að lækka viðmiðunarverð skv. kjarasamningum á slægðum og óslægðum þorski um 10% og hækka viðmiðunarverð á slægðri og óslægðri ýsu um 5%. Þetta á við afla sem ráðstafað er til eigin vinnslu eða seldur til skyldra aðila. Breytingin tók gildi 1. febrúar 2013.

Nýlega lauk endurbyggingu á viðleguköntum í Patrekshöfn. Verkið hófst upphaflega árið 2008 með útboði á stálþilsefni og festingum fyrir 310 m viðlegukant með 6 m dýpi. Heildarþungi efnisins var um 570 tonn og var tilboði frá G. Arasyni tekið. Kostnaður við verkið 2008 var um 119 millj. kr. Í ágústmánuði 2009 voru opnuð þau 6 tilboð sem bárust í vinnu við þilreksturinn. Samið var við Geirnaglann frá Ísafirði sem átti lægsta boð, 75,5 millj. kr. eða 61% af kostnaðaráætlun. Verkið fólst m.a. í a...

Mennta- og menningarmálaráðherra hefur ákveðið að friða elstu mannvirkin við gömlu höfnina í Reykjavík. Um er að ræða eftirfarandi steinhleðslur, sem gerðar voru á árinunum 1913-1945: Ingólfsgarður (1913) Norðurgarður (1915) Steinhleðslur við Suðurbugt (1928-1930) Ægisgarður, eystri hleðsla (1932-1935) Steinhleðslur við Víkina og Verbúðarbryggjur, frá Rastargötu til Bótabryggju (1940-1945). Elstu varnargarðarnir í Reykjavíkurhöfn, Ingólfsgarður og Norðurgarður voru á sínum tím...

Hafnasamband Íslands sendir stjórnum og starfsmönnum aðildarhafnanna bestu óskir um gleðilega jólahátíð og farsæld á nýju ári. Með þakklæti fyrir samstarfið á árinu sem er að líða.

Umhverfis- og auðlindaráðuneytið hefur gefið út reglugerð um viðbrögð við bráðamengun hafs og stranda.  Markmið reglugerðarinnar er að draga úr tjóni eða koma í veg fyrir tjón vegna bráðamengunar eftir því sem kostur er. (meira…)

Hafnasamband Íslands hélt hafnasambandsþing í Vestmannaeyjum dagana 20. og 21. september sl. Þar var m.a. fjallað um breytingar á hafnalögum. Á fundinum var m.a. samþykkt eftirfarandi ályktun: „38. hafnasambandsþing haldið í Vestmannaeyjum dagana 20. og 21. september 2012 beinir þeim tilmælum til innanríkisráðherra að á haustþingi 2012 verði lagt fram frumvarp til breytinga á hafnalögum, sem grundvallast á tillögu fulltrúa Hafnasambands Íslands í nefnd ráðherra um efnið. Hafnasambandsþing telur...

Stjórn Hafnasambands Íslands vekur athygli fjárlaganefndar Alþingis á mikilvægi þess að framlag ríkisins til hafnaframkvæmda  í fjárlögum ársins 2013 endurspegli þörf hafnanna á nauðsynlegum endurbótum hafnarmannvirkja og nýframkvæmdum. Stjórnin lýsir yfir óánægju sinni með rýrar tillögur í þessum efnum og skorar á fjárlaganefnd að hækka framlag ríkisins til þessara verkefna.